مال ودولت دنیا کی زیب وزینت ہے

٤٧۔ ٤٩:۔ ان آیتوں میں قیامت کا ذکر ہے کہ اس دن پہاڑ جاتے رہیں گے زمین صاف نکل آئے گی اور ہم ان کو اس طرح اکٹھا کریں گے کہ ان میں سے ایک کو بھی نہ چھوڑیں  گے، جس زمین کے ساتھ حشر کا ذکر ہے یہ وہ نئی زمین ہے جس پر حشر قائم ہوگا۔ یہ زمین دنیا کی زمین سے بالکل الگ اور نئی ہوگی کیونکہ شعب الایمان بیہقی تفسیر عبد الرزاق وغیرہ میں صحیح سند سے عبداللہ بن مسعودرضی اللہ عنہ کی روایت ہے کہ اس زمین پر کسی گنہ گار نے کوئی گناہ نہیں کیا[الترغیب ص ٢٩٤ ج ٢ فصل فی الحشر ]اب یہ تو ظاہر ہے کہ دنیا کی زمین پر روز گناہ کیے جاتے ہیں اس لیے یہ زمین بالکل نئی ہو گی مطلب یہ ہے کہ پہلے صور کے وقت دنیا کی زمین پر کے پہاڑ جواڑا دیئے جائیں گے وہ پہاڑ یا کوئی ٹیلہ یا عمارت یا اور کوئی چھپ جانے کی جگہ اس نئی زمین پر نہ ہوگی پھر فرمایا اس نئی زمین پر سب حساب کے لیے صف باندھ کر کھڑے ہوں گے اس وقت منکرین حشر کو یوں قائل کیا جائے گا کہ تم لوگ تو اس دن کے منکر تھے اب دیکھو تو یہ دن تمہارے سامنے آیا یا نہیں۔ پھر فرمایا اچھے لوگوں کے دائیں ہاتھ میں اور برے لوگوں کے بائیں  ہاتھ میں جب نامئہ اعمال دیئے جائیں گے تو برے لوگ اپنے اعمال نامے میں عمر بھر کے بداعمال دیکھ کر بہت گھبرائیں گے اور سزا کے خوف سے بہت ڈریں گے مگر بےوقت کا گھبرانا اور ڈرنا ان کے کچھ کام نہ آئے گا پھر فرمایا اس دن اللہ تعالیٰ کسی پر کچھ ظلم نہ کرے گا بلکہ ہر شخص کے عملوں کے موافق جزا وسزا کا فیصلہ کیا جائے گا یہاں مختصر طور پر فقط برے لوگوں کے اعمال نامہ کا ذکر ہے سورۃ  الحاقہ میں مذکور ہے کہ اچھے لوگ اپنے اعمال نامہ کو خوش ہو کر پڑھیں گے اور اپنے رشتہ داروں اور جان پہچان کے لوگوں سے کہیں گے لو تم بھی ہمارا اعمال نا مہ پڑھ کر دیکھو۔ صحیح مسلم میں ابوذر رضی اللہ عنہ سے روایت ہے جس کا حاصل یہ ہے کہ ایک شخص کو پہلے اس کے صغیرہ گناہوں کا نامئہ اعمال دکھایا جائے گا اور کبیرہ گناہ اس کے اعمال نامہ میں سے الگ کر دئے جائیں گے جسےوہ شخص ان چھوٹے گناہوں کا ارادہ کر لے گا تو اللہ تعالیٰ فرمائے گا میں نے اپنی رحمت سے تیرے ان چھوٹے گناہوں کو نیکیوں سے بدل دیا ،یہ سن کر وہ شخص کہے گا یا اللہ میں نے تو دنیا میں اور بڑے بڑے گناہ بھی کیے تھے ان کے بدلہ کی نیکیاں کہاں ہیں۔ اس قصہ کو بیان کرتے وقت اللہ کے رسول (صلی اللہ علیہ وسلم) کو بہت ہنسی آیا کرتی تھی ۔ (مشکوٰۃ ص ٤٩٢ باب الحوض والشفاعۃ )صحیح بخاری ومسلم میں حضرت عبداللہ بن عباس رضی اللہ عنہ سے روایت ہے جس میں اللہ کے رسول (صلی اللہ علیہ وسلم) نے فرمایا حشر کے دن سب لوگ قبروں سے ننگے بدن ننگے پاؤں بغیر ختنہ کیے ہوئے اٹھیں گے (الترغیب ص ٢٩٤ ج ٣ فصل فی الحشر )اس حدیث سے "لقد جئتمونا کما خلقنا کم اول مرۃ "کا مطلب اچھی طرح سمجھ میں آجاتا ہے جس کا حاصل یہ ہے کہ ماں کے پیٹ سے جس حالت میں بچہ پیدا ہوتا ہے اسی طرح ننگے بدن ننگے پاؤں بغیر ختنہ کیے ہوئے سب لوگ قبروں سے اٹھیں گے۔ صحیح مسلم کے حوالہ سے ابوذر رضی اللہ عنہ کی حدیث ہے کہ اللہ تعالیٰ نے ظلم اپنی ذات پاک پر حرام ٹھہرالیا ہے اس لیے قیامت کے دن جز اوسزا کا فیصلہ نہایت انصاف سے ہوگا۔ حاصل کلام یہ ہے کہ اوپر کی آیتوں میں کھیتی کی مثال سے دنیا کی ناپائیداری کا حال بیان فرما کر ان آیتوں میں حشر اور قیامت کا ذکر فرمایا تاکہ لوگوں کو معلوم ہو جائے کہ دنیا کے فنا ہو جانے کے بعد حشر اور قیامت کا قائم ہونا ضروری ہے کیونکہ بغیر نیک وبدکی جزاو سزا کے دنیا کا پیدا کرنا بےفائدہ ٹھہرتا ہے جو اللہ تعالیٰ کی شان سے بہت بعید ہے۔

انہوں نے اپنے  آفیشیل کام  کو بحسن خوبی انجام دیا ۔ وہی پر بودھ گیا کے اندر جاکے  انہوں نے  بودھسٹ کو تعلیم کی طرف  راغب کیا ۔ اور صرف اس لیے ان لوگوں سے بے حساب تعلقات بڑھاتے   چلےگئے تاکہ یہ قوم   بھی تعلیم وتربیت کی طرف راغب ہو۔ ہم یہ بھی جانتے ہیں کہ سیمانچل ہندوستان کی سرزمین  پر بھی  اور بہار کے نقشہ میں بھی ایک ایسا علاقہ ہے جو بہت ہی پسماند ہ ہے۔ اور آج بھی وہاں تک جانے کے لیے لوگوں کو سوچنا پڑتا ہے۔ جو کافی خستہ حال دور افتاد علاقہ ہے ۔ اس علاقہ میں ایک بار نہیں دو بار نہیں تین بار نہیں چار چار  بار  یہ تشریف  لے گئے اور توحید ایجو کیشنل ٹرسٹ کو انہوں نے شرف زیارت سے نوازا ہے۔ یہ صرف اس لیے تھا کہ اس ٹرسٹ کے فاؤنڈر اور بانی فضیلۃ الشیخ عبد المتین السلفی جن کا ذکر کرتے ہوئے آج ہماری آنکھیں نم ہیں ۔ جس طرح آج ڈاکٹر اخلاق الرحمن قدوائی اس دنیا میں نہیں ہیں اسی طرح سے ڈاکٹر اخلاق الرحمن قدوائی کے ایک بہترین دوست  توحید ایجو کیشنل ٹرسٹ  کے بانی شیخ عبد المتین السلفی  بھی اس دنیا میں  نہیں ہیں ۔ 16/جنوری2010ء کو ان کا بھی انتقال ہوگیا ۔ آج وہ بھی اپنے رفیق اعلی کے پاس ہیں۔ ان کا صرف ڈاکٹر صاحب سے  گہرا تعلق اس بنیاد پر تھا کہ جناب عبد المتین السلفی  نے ایک ایسے علاقہ میں جہاں غریبی تھی  جہاں کے لوگ تعلیم سے کوسوں دور تھے۔ اس علاقہ میں انہوں نے تعلیم کی بنیاد ڈالی۔

                                                                                                   … فرعان ثناء اللہ تیمی"